Haurtzaro Ikastolako DBH 1. mailako ikasle talde batek Eusko Ikaskuntza saria jaso du

Bilbon banatu zituzten Unesco Etxearen 'Eman minutu 1' Ikus-Entzunezko Piezen Nazioarteko VIII. Lehiaketaren sariak, hain zuzen. Zeremonia EiTBren Bilboko Multibox aretoan izan zen, eta bertan bideo finalistak proiektatu ziren.

Haurtzaroko taldeari euskarazko minuturik onenari zegokion Eusko Ikaskuntza saria egokitu zitzaion, 'Zergatik ez banatu!' lanarekin. Bideoaren egileak Iker Ubiria, Fermin Sein, Anje Irastorza, Ane Garmendia eta Uxue Etxebeste gaztetxo oiartzuarrak dira. Sari banaketan lau ikaslek parte hartu zuten lana egiten gidatu dien Iñaki Lertxundi irakaslearekin batera. Zorionak, gazteak!