Girizia Mendizale Elkarteak federatzeko aukera zabaldu du

Girizia Mendi taldekoak azkeneko irteeran. /
Girizia Mendi taldekoak azkeneko irteeran.

GARAÑO OIARTZUN.

2019rako federatu txartel berriak egiten hasiko dira Girizia Mendi Elkartekoak. Horretarako, abendua eta urtarrilean asteartero izango da aukera 19:30etik 21:00ak arte. Otsailetik Aurrera, berriz, asteartetan 20:30etik aurrera izango da.

Horretarako eranskin bat bete behar da eta elkartean bertan edo internet bidez eskuratu daiteke. Bertan, prezio berriak ageri dira eta baita bakoitzak, zehazki, zer aseguratzea nahi duen adierazteko balio duen orritxoa ere. Gainera, haien kontu korronte zenbakia ere gehituta dago eta bertan diru kopurua sartu eta aipatutako orria bete ondoren, haiei helaraztea nahikoa izango da federatzeko. Aseguratua egoteko beharrezkoa da federaziora eramatea, beraz ordaintzen denetik 10 bat egunera egongo dela asegurua azaldu dute.

Kobertura eremuak Estatua, Pirinio Frantsesa eta mundua dira eta ondoren hainbat gehigarri daude: espedizioa, snowa, eski alpetarra eta mendiko bizikleta. Norberak aukeratu beharko du zer aseguratu nahi duen.

Amaitzeko, 2019 urterako proposamen berriak lantzen dabiltzala adierazi dute. Inork egitaraua osatzeko ideiarik badu, asko eskertuko lukete.

 

Fotos

Vídeos