Girizia Mendi taldekoak bueltan dira

GARAÑO OIARTZUN.

Merezitako atsedenaren ondoren oporrak amaituko dira Girizia Mendi taldekoentzat. Datorren irailaren 15 eta 16rako asteburu paregabea antolatu dute. Hain zuzen ere, Tozal de guara (2.075m) mendia igoko dute igandean.

Larunbatean, hilak 15, aterako dira ikastolako parkinetik arratsaldeko 15:30ean, eta Nocito herrira abiatuko dira, bertan San Urbez albergean lo egiteko. Hantxe afaldu eta lo egin ondoren, Tozal de Guara tontorrera abiatuko dira. Guztira 8 orduko ibilaldia izango dela aipatu dute antolatzaileek, atsedenak barne. Albergean pentsio erdia edukiko dutela ere adierazi dute.

Erreserbak egiteko

Dagoeneko zabalik dago izen-emateko epea. Horretarako, Garmendi txokolategira jo behar du mendizaleak. On line ere eman daiteke izena, www.girizia.org helbidean. Ibilaldira joan nahi duenak, 70 euro ordaindu beharko ditu (autobusa, aterpea, afaria eta gosaria). Animatu eta izena eman lehenbailehen, 25 plaza bakarrik daude eta.

Contenido Patrocinado

Fotos

Vídeos