Gaztetxean hitzaldia izango da bihar

Gaztetxean egindako beste ekintza batean bildutako jende taldea. / GARAÑO
Gaztetxean egindako beste ekintza batean bildutako jende taldea. / GARAÑO

GARAÑO OIARTZUN.

Gaur, ostirala, arratsaldeko 18:00etan izango da Oihartzun Guk-ek antolatutako hitzaldia gaztetxean. Azken boladan Euskal Herri oso astindu duten gaiak jorratuko dituzte: Altsasu, Orereta eta Indar Gorri.

Hain zuzen ere, Indar Gorri kolektiboko kideak, Oreretako Lauak plataformako kideak eta Altsasuko Gazteria plataformako kideak izango dira gaztetxean eta haiek pairatutako muntai polizialaren inguruan hitz egingo dute. Haien esperientziaren berri emango diete bertaratutakoei eta bizitako momentu eta sentsazioak aipatuko dituzte. Etorkizunera begira ere, zer egin, nola... lotzen saiatuko dira. Edozein zalantza edo galdera argituko dituzte amaieran.

Hitzaldiaren helburua oiartzungo gazteak haien egoeraren berri izatea da eta horretarako egoki ikusi dute herri zein plataformako kideak ekartzea. Interesgarria izango dela aipatu dute eta arratsaldea gaztetxean pasatzeko gonbitea zabaldu dute.

 

Fotos

Vídeos