Festetan barraketako musika aukeratu dute 91 gaztetxok

2018ko zozketako irabazleek pozik hartu zuten saria. /  GOIZARIN
2018ko zozketako irabazleek pozik hartu zuten saria. / GOIZARIN

Partaidetza handia izan da aurten ere ekimenak batez ere DBH-ko ikasleen artean

GOIZARINOIARTZUN.

Azken urteetan egin den moduan, aurten ere Xanistebanetan barraketan ipiniko den musika herriko gaztetxoek aukeratu dute, 91 gaztetxok zehazki. Arrakasta handia duen ekimena da, gazteenek haien proposamenak aintzat hartzen direla ikusten baitute. Aurten izandako parte hartzea ikusi ondoren, Udaleko Euskara sailak esan du ekimena bikaina izan dela.

Parte hartzaileen gehiengoa DBHkoa izan da, eta batez ere, neskak izan dira proposamenak egin dituztenak (%57,1). Musika hautatzeko unean, irizpide bakarra zuten gaztetxoek errespetatu beharra. Proposatutako hamar kantatik zortzik euskaraz izan behar zuten. Gehienek errespetatu dute irizpide hau, baina, halere, egindako proposamen oro hartuko dira kontuan musika zerrenda egiteko orduan.

Musika proposamenen artean hauxek izan dira aukeratuenak: 'Aldapan gora' (Huntza), 'Euritan dantzan' (Gatibu), 'Gure kaiola' (Glaukoma), 'Aske maitte' (Gatibu), 'Gogoak' (Esne beltza), 'Ametsetan' (En Tol Sarmiento), 'Euskararen txantxangorria' (Goazen!), 'Udarako gau luzeak' (Vendetta), 'Aurrera Altsasu' (Tximeleta) eta 'Negua joan da ta' (Zea Mays).

Abestiak proposatu dituzten gaztetxoek barraketako fitxen zozketan parte hartuko dute. Datoreen abuztuaren 2an, festen hasieran, banatuko zaizkie txartelak sarituei, barraketako giroaz goza dezaten.