Euskaraldiko bigarren bilera egingo da bihar

Lehen bileran elkartutako herritarrak lantaldetan proposamenak biltzen. / UDALA
Lehen bileran elkartutako herritarrak lantaldetan proposamenak biltzen. / UDALA

Fermiñeneko beheko solairuan, arratsaldeko zazpietatik aurrera

GARAÑO OIARTZUN.

Fermiñeneko beheko solairuan, bertan, aurreko bileran pentsatutako proposamenei forma ematea eta Oiartzungo Hamaikakoa osatzea izango dira asmo nagusiak. Hau da, batetik, azarora bitarte egingo diren ekimen, publizitate kanpaina, lanketak..., antolatzen hasiko dira eta, bestetik, oiartzungo hamaika enbaxadore hautatu beharko dituzte, euskararen erabileraren aktibazioa bultzatzeko. Herriko hamaika pertsonako zerrenda horretan daudenak, lehen bultzada emango diote euskaraldiari eta ingurukoen artean ere zabaldu beharko dute euskaraldiaren berri.

Euskaraldia Euskal Herri osoan azaroaren 23tik abenduaren 3ra bitartean egingo den ekimen bat da. Euskaraz hitz egitea eta ulertzen duten herritarren arteko harremanetan hizkuntza ohiturak aldatzea du helburu nagusia eta 16 urtetik gorako herritar guztiei egin zaie deia bertan parte hartzeko.

Oiartzunen guzti hori nola aurrera eraman jakiteko bilera egingo dute asteazkenean eta animatzeko deia egin dute.

Contenido Patrocinado

Fotos

Vídeos