Euskal Herriko pala txapelketa finalerdietarako bidean

Zutik, Urdangarin, Eizmendi II, Balerdi, Albeniz, Maiz epailea, Galdos, Murua, Eizmendi I eta Lasarte; makurtuta, Mendigain, Agirre, Iraola eta Laimirni. /  GOIZARIN
Zutik, Urdangarin, Eizmendi II, Balerdi, Albeniz, Maiz epailea, Galdos, Murua, Eizmendi I eta Lasarte; makurtuta, Mendigain, Agirre, Iraola eta Laimirni. / GOIZARIN

GOIZARIN OIARTZUN.

Badoa aurrera Euskal Herriko pala txapelketa eta pasa den igandean beste bost partidu jokatu ziren, Madalensoro pilotalekuan: bi gizonezkoen mailakoa eta beste hiruak emakumeen mailan.

Gizonezkoei dagokionez, Gurrutxaga-Arrieta Elgoibarreko bikoteak erraz irabazi zion Garbisu-Martinez Berako bikoteari (25-10) eta finalerdietan izango da. Bigarren partida, berriz, orekatuagoa izan zen eta Iraola-Laimirni bikote tolosarrak 25-17 hartu zuen mendean Agirre hernaniarrak eta Mendigain lizartzarrak osaturiko bikotea eta finalerdietan izango da.

Emakumeen mailan, berriz, Galdos oiartzuarrak Murua bikotearekin ezin izan zuen irabazi eta 22-25 galdu zuen Balerdi-Albeniz bikotearen aurka. Hortaz, finalerdietara pasatzeko gelditzen zaien partida irabaztera behartuta dago. Eta emakumeen beste bi partidetan, Eizmendi II-Urdangarin bikoteak 25-23 irabazi zion Lasarte-Eizmendi I bikoteari eta finalerdietara pasa dira; bestean, berriz, Iturriotz-Arrillaga bikoteak 25-23 hartu zuen mendean Agirre-Erasun bikotea eta hauek izango dira finalerdietara pasako direnak, sailkapenean, tanteoa hobea lortu dutelako.

Beraz, nesken mailan finalerdiak jokatzeko jardunaldi bakarra falta da eta orduantxe jakingo da zeintzuk izango diren lau bikoteak.

Hona hemen emaitza guztiak: Gizonen 3. Mailan, Garbisu-Martinez 10-25 Gurrutxaga-Arrieta; Agirre-Mendigain 17-25 Iraola-Lamirni; emakumeen mailan, Galdos-Murua 22-25 Balerdi-Albeniz; Eizmendi II-Urdangarin 25-22 Lasarte-Eizmendi I; Agirre-Erasun 23-25 Iturriotz-Arrillaga.

Arestian esan den moduan, gaur beste jardunaldi bat jokatu da eta bertan, gizonezkoen mailan, Arizmendi eta Arbelaitz oiartzuarrak Imaz eta Elizalde hernaniarren aurka ariko dira finalerdietara pasatzeko helburuarekin. Emakumeen mailan, berriz, Galdos oiartzuarra Murua bikote hartuta Larrarte eta Karreraren aurka ariko da, hauek ere finalerdietara pasatzeko lehian. Denera bost partida jokatuko dira. Interesatuek frontoira gerturatu beharko dute. Beti bezala, sarrera doan izango da.