Euskal Herriko pala txapelketa irekia

Makurtuta, Mitxelena, Luarizayerdi, Gametxo eta Miñiz. /  GOIZARIN
Makurtuta, Mitxelena, Luarizayerdi, Gametxo eta Miñiz. / GOIZARIN

GOIZARIN OIARTZUN.

Euskal Herriko pala txapelketa irekiko 9 partida jokatu ziren Madalensoron: lau hirugarren mailan, hiru bigarrenean eta bi lehen mailan. Bizpahiru partida izan ezik, beste guztietan emaitza oso arraroak eta desorekatuak eman ziren.

Hortaz, hirugarren mailan, Imaz-Elizalde, Etxebeste-Aranguren, Agirre-Mendigain eta Iraola-Laimirni bikoteak hurrengo kanporaketarako sailkatu dira eta galtzaileek, berriz, txapelketari agur esan diote.

Bigarren mailan, Zabala-Arriaga, Txoperena-Ormaetxea eta Mitxelena-Luarizayerdi bikoteak dira aurrera egin dutenak. Lehen mailan, aldiz, Arriaga-Unda eta Arregi-Erleaga bikoteak izango dira final laurdenak jokatu dutenak, lehenak partida orekatu batean Zabala eta Arronizi 25 eta 18 irabazi ondoren. Bigarrenak, berriz, oso erraz lortu zuen aurrera egiteko txartela, 25 eta 6 irabazi baitzion eta Ubeda-Zumeta bikoteari, hauek ez baitzuten egun aproposa izan.

Nesken pala txapelketa

Beraz, pixkanaka, badoa txapelketa aurrera eta Aste Santua igaro ondoren, mutilen txapelketarekin batera, neskena hasiko da. Aurtengoan zortzi bikote izango dira nesken txapelketan, gaztetxoak denak. Bikoteak osatzeko garaian, txapelketaren antolakuntza aztertzen ari da haien arteko nahastea, maila orekatzeko asmotan. Seguru lehia egongo dela eta partida politak ikusteko aukera emango dutela.