Euskal Herriko III. Bote Luzeako Txapelketa asteburu honetan

GARAÑO OIARTZUN.

Asteburu honetan emango zaio hasiera Euskal Herriko III. Bote Luzeako Txapelketari.

Bote Luzea Euskal Herriko eta Europako pilota-joko modalitate bat da, joko zuzenen arteko zaharrena, eta ondoren sortu direnen oinarria eta funtsa.

Modalitate hau Euskal Herrian galdua bazegoen ere, azken urte hauetan berreskuratze prozesu batean sarturik dago. Talde bakoitza zortzi pilotariz osatua dago. Bost kantxaratzen dira eta aldaketak egitea onartua dago.

Hirugarren txapelketa honetan parte hartuko duten taldeak honakoak dira: Lapurdi 1 (iparralde 1), zeina 2016ko txapelduna den; Lapurdi 2 (Iparralde 2); Lapurdi 3 (Iparralde 3); Nafarroa Behera (Iparralde 4); Nafarroa; Bizkaia (2017ko txapelduna); Gipuzkoa bat; Gipuzkoa bi (2016 eta 2017ko txapeldunordea).

Final erdiak hilaren 30eko asteburuan izango dira eta finala, aldiz, urriak 7ko asteburuan.

Antolatzailea, joko zuzenen bultzatzailea den Oiartzungo txost pilota kirol kluba da.

Txapelketako 1. jardunaldiko partidak: A multzoko partidei dagokienez, bihar larunbata, hilak 8, goizeko 10:30ean, Sarako Errugbi zelaian: Iparralde 2 / Iparralde 3; larunbata 8, arratsaldeko 6:30ean, Berrizko Berrizburu plazan: Bizkaia / Gipuzkoa bat. B multzokoak, berriz, larunbata 8, goizeko 11etan, Oiartzungo Beko Plazan: Gipuzkoa bi / Iparralde 1; igandea 9, goizeko 9:30an, Donapaleuko Plazan: Iparralde 4 / Nafarroa.

Contenido Patrocinado

Fotos

Vídeos