Emarri giza-probako taldearen film laburra estreinatu zen

Emarri taldean hamar neskek parte hartzen dute. /  GARAÑO
Emarri taldean hamar neskek parte hartzen dute. / GARAÑO

Mirokutana ekoiztetxearen lanak emakumeen erakustaldiak jartzen ditu agerian

GARAÑO OIARTZUN.

Oiartzungo Mirokutana ekoiztetxearen eskutik heldu da Emarriren istorioa kontatzen duen film laburra. Ostegun arratsaldean, 19:00etan estreinatu zen Errenteria-Oreretako Niessen zinemetan eta sarrera doakoa izan zen. Filmaren protagonistak taldeko partaideak dira. Emanaldiaren ondoren solasaldia egon zen filmari buruzko nondik norakoak azaltzeko.

Emarri emakumezkoen giza-probako taldea da eta 2013ko azaroan sortu zen. Oiartzungo Astigarragako, Lezoko eta Lesakako neskek osatzen dute taldea eta guztira hamar inguru dira.

Txapelketetan aritzeko oraindik nahiko talderik ez dagoen arren, erakustaldiak ematen igarotzen dute urtea, eta batez ere uda. Hain zuzen ere, urtarrilean hasten dute denboraldia eta urrian amaitu. Giza proban zortzi neskek 550 kiloko harria alde batetik bestera tiraka eramaten dute eta haiek ere 550 kilo pisatu behar dute. Bestela, gainkarga bat jartzen diotela aipatu dute taldekideek. Filme honek haien entrenamendu eta erakustaldiak jartzen ditu agerian, baita emakume izateagatik ere kirolean pairatzen dituzten ezberdintasunak.

 

Fotos

Vídeos