Elkar Ilustrazio eta Ipuin lehiaketan Haurtzaro Ikastolako ikasle bat saritua

Julen Garmendia, sariarekin./
Julen Garmendia, sariarekin.

Julen Garmendia bigarren izan da ilustrazioa ipuin bilakatu atalean

GOIZARINOIARTZUN.

Aurreko larunbatean, 11. Elkar Ilustrazio eta Ipuin lehiaketaren sari banaketa egin zen Donostiako Elkar liburu-dendan. Lehiaketa honetan Euskal Herri osoko ikasleek hartzen dute parte.

Elkar Ilustrazio eta Ipuin lehiaketak haurren eta gazteen artean irakurzaletasuna eta sormena bultzatzea du helburu. Horretarako, hiru modalitate antolatzen dira, haur eta gazteen adinaren arabera: lehenengoa, ipuina ilustratu HH 4. mailatik hasi eta LH4ra bitarteko ikasleentzat; bigarrena, ilustrazioa ipuin bilakatu LH 5. mailatik hasi eta DBH 2. mailara bitarteko ikasleentzat, eta azkenik komikia edo biñeta sortu DBH 3. eta 4. mailako ikasleentzat.

Aurtengo sarituen artean, Haurtzaro Ikastolako DBH 2. mailako Julen Garmendia ikasleak ilustrazioa ipuin bilakatu ataleko 2. saria eskuratu du, ilustrazioa ipuin bilakatu atalean. Alex Machok egindako ilustrazioarekin ipuin bat sortu du gaztetxoak. Ipuinak euskaraz idatziak behar dute, orrialde bakar batean.

Haurtzaroko ikasle gaztetxoek urtero hartzen dute parte lehiaketan eta hainbat alditan izan dira sarituak beraien lanak.