Oiartzun

Elizaldeko auzogune berrirako ekarpenak egiteko saioa, astelehenean

Elizaldeko auzogune berria herritarrekin diseinatzeko partaidetza saioa martxan du Oiartzungo Udalak. Urmendi haur eskola, Mendibil eta Tolarieta arteko espazioa garatuko da datozen urteetan, eta auzogune «bizigarria, atsegina, irisgarria eta inklusiboa» izatea nahi du. 200 etxebizitza, plaza eta espazio zabalak eta ekipamendu publikoak ere aurreikusi dituzte bertan.

130 lagun hurbildu ziren astelehenean proiektuaren aurkezpenera. Bihar herritarren ekarpenak jasotzeko saioa egingo dute. 18:00etan izango da, Landetxe Kultur Aretoan.

Lehenengo saiora joateko aukerarik izan ez zutenek ere parte hartu ahal izateko dinamika egingo dute. Euskaraz izango da eta gaztelaniara itzulpen zerbitzua egongo da. Haurren zaintza zerbitzua ere eskainiko dute.