EAJ-PNV-k gaur aurkeztuko du Udalerako hautagai zerrenda

GOIZARIN OIARTZUN.

Oiartzungo EAJ-PNVk gaur aurkeztuko du datozen Udal hauteskundeetarako hautagai zerrenda ekitaldi bikoitzean. Eguerdian, Oiartzungo EAJ-PNV zerrendaburu Rafael Bergaretxerekin batera, Maite Peña Gipuzkoako Foru Aldundiko Gizarte Politiketako Diputatua eta Aintzane Oiarbide Gipuzkoako Foru Aldundiko Errepide eta Azpiegituretako Diputatua izango dira bertan.

Arratsaldeko ekitaldia Batzokian 19:00etan izango da bi hizlarirekin: Rafael Bergaretxe, Oiartzungo EAJ-PNV zerrendaburua, eta Eider Mendoza, Gipuzkoako Batzar Nagusietako presidentea. Oiartzungo zerrenda osatzen duen lan taldea aurkezteaz gain, hauteskunde programa osatuko duten proiektu eta egitasmo nagusiak ere ezagutu ahal izango dira.

Aurkezpen horretara bertara daitezen «gonbidapena luzatu nahi diegu alderdikide eta oiartzuar guztiei», adierazi dute EAJ-PNVko kideek.