Dena prest larunbatean Txerri eguna ospatzeko Oiartzunen

Madalensoro kanpoaldean ganadu feria ere jarriko dute. / GARAÑO
Madalensoro kanpoaldean ganadu feria ere jarriko dute. / GARAÑO

Azoka pilotalekuaren barruan egingo dute eta produktu ezberdin ugari egongo dira bertan

GARAÑO OIARTZUN.

Ttur-ttur Euskaltzaleon Bilgunearen eta herriko eragileen eskutik Txerri eguna izango da igandean, hilaren 15ean. Urtero lez, Madalensoro pilotalekuan izango da festa eta herrigunera ere zabaldu dutela azaldu dute. Hainbat ekintza antolatu dituzte aurten ere, Txerri eguneko egitarau borobila osatuz.

Azoka antolatzeko helburu nagusia tokian tokiko artisauei leku egitea eta merkataritza mota hori bultzatzea ez ezik, euskarazko merkataritza-harremanak sustatzea ere bada. Horregatik, postua jarriko duten artisau, talde eta eragileei euskaraz egitea eskatzen diegu. Horrela, postuan jartzen dituzten txartel guztiak euskaraz izatea bermatzen dugu Ttur-tturretik eta bezeroekiko hartu-emana ere hizkuntza horretan egitea eskatzen dugu.

Herriko norbanako eta eragileekin elkarlanean arituta, aurtengoan ere, ganadu feri mundiala izango da Madalensoro plazan goizeko 10:00etatik aurrera. Oiartzuar prestu batzuek egindako lanari esker, aurtengoan ere ganadu feri zabala eta anitza ikusteko eta gozatzeko aukera izango da. Denetariko ganadua izango da: behiak, zaldiak, behorrak, oiloak, ahuntzak, txerriak...

Madalensoro pilotalekuan, gainera, goizeko 10:00etatik aurrera, urteroko artisau azoka izango da, baita herriko ikastetxeetako ikasleek eta bestelako taldeen janari eta edari postuak ere. Denetariko artisau postuak izango dira: gazta, eskulanak, herriko taldeen materiala, barazki-saskiak...

Arratsaldeko 13:30ean azokan erosketak egin dituztenen artean Errigorako bi saski eta Paeta zaharrak erantzun mahaia-jokoak zozkatuko dira.

Hitzordu gehiago

Horretaz guztiaz gain, eguerdiko 12:00etatik aurrera, Haurtzaro Dantza Taldearen eskutik kalejira plazan barrena izango da. Ordu berean, Elizalde Eskolako Dantza Taldea Euskal Herria plazatik abiatuko da eta Landetxe eta Beeko plazan hainbat dantzaren emanaldia eskainiko dute.

Ondoren, 13:00etan Haurtzaro Dantza Taldearen emanaldia izango da Landetxe plazan (Laia Tabernak antolatua).

Ordu erdi berandago, 13:30ean, Errigorako bi saskiren zozketa eta Paeta zaharrak erantzun! mahai-jokoen zozketa Madalensoro pilotalekuan.

Hilaren 15ean guztiok zita dute Oiartzunen eta giroa alaitzeko baserritar jantziarekin etortzera gonbidatzen dituzte herritarrak Ttur-Tturretik.