Dena prest jaiei hasiera emateko

Aurreskua dantzatu zieten omendu guztiei. /
Aurreskua dantzatu zieten omendu guztiei.

Karaez eta Oiartzunen arteko senidetzan lan egin dutenei aitortza egin zitzaien atzo

KOXKOOIARTZUN

. Oiartzuarrak gaur murgilduko dira berain Xanisteban jaietan. 19:30ean udalbatzako kideek sokadantza dantzatuko dute Herriko Plazan Haurtzaro Dantza Taldearen eta Lartaun Txistulari Taldearen laguntzaz. Ondoren, Karaez-Oiartzun senidetza batzordeko kideek, herriko alkateak eta udalbatzako kideek suziria butako dute eta kanpai-soinu alaitsuarekin batera, jaiei hasiera emango zaie.

Baina momentu hau iritsi arte, beste hainbat jarduera ere izango dira egun osoan zehar. Horrela, 16:30ean Gora Xanistebanak Haurren Krossa egingo da, eta ordu erdi beranduago, helduena. 17:45ean Oiartzungo musikarien kalejira iritsiko da, eta 18:30ean agerraldi feminista plazan.

Oiartzungo erraldoiak kalejiran aterako dira suziria bota ondoren, eta gauean, musika jaialdia izango da Done Esteban plazan.

Baina oiartzuarrak jai giroa dira dagoeneko azken egunetan. Honela, atzo arratsaldeko 18:00etan hasita, ohitura den bezala, 'Oiartzun 2019' Urtekariaren aurkezpena egin zuen Udaleko Kultura Batzordeko Lehendakariak, Iosune Cousillasek.

Era berean, Xanistebanak 2019 kartel lehiaketako irabazleen sariak banatu ziren. Gero, Oiartzun eta Karaezen arteko 25 urteko senidetza irudikatzen duen erakusketa zabaldu zuten. Jarraian, herrian nabarmendu diren pertsona batzuk omendu zituen Udalak. Alde batetik, Pier Elizondo, urte askotan herrigintzan egindako ekarpenagatik. Bestetik, Oiartzun eta Karaezen arteko senidetzan lan egin dutenei aitortza egin zitzaien, bide batez, Karaezetik Oiartzunera etorri diren lagunei harrera beroa eginez. Juanito Iñarra alkate ohiari ere gorazarre egin zi-tzaion, bera izan baitzen bi herrien arteko harremanak estutzeko lanetan aritu zena, besteak beste.

Biharko egitaraua

Biharko festen egun handian, egitaraua goiz hasiko da, 07:00etan sokamuturrarekin. Eta jarraian, eskila joaldiak, kontzertuak, sokatira txapelketa, zirkua, herri afaria, pilota partiduak edo dantza emanaldiek beteko dute eguneko programa.