Atleta oiartzuarrak, indarrean

Garrido eta Perez atletak./
Garrido eta Perez atletak.

Alazne Garrido eta Julen Perez atletek domina bana lortu dute Espainiako txapelketan

GOIZARINOIARTZUN.

Asteburuan Granollersen (Katalunia) izan den 20 urte azpiko Espainiako txapelketan arrakasta lortu dute oiartzuar gazteek.

Batetik, Alazne Garrido Zapirainek bi probatan hartu zuen parte, 400 metroko hesi-lasterketan eta 4x100ko errelebo proban. Banakako probako finalean seigarren postua lortu zuen, nahiz eta ordurarte egindako denborak zirela eta hamargarren postuan geratuko zela uste. «Finalean zeresan handiagoa eman nezakeela iruditu zitzaidan, baina gustura geratu naiz egindakoarekin» aitortu digu. Hala ere, errelebo proban lortu zuen emaitza hoberena, bere taldekideekin batera, brontzezko domiña eskuratu baitzuen. Honez gain, denboraldiko azken txanpa du aurretik Alaznek. Datorren larunbatean, Durangon, Euskadiko txapelketa absolutuan parte hartuko baitu.

Bestetik, Julen Perez Loperena ere bi probatan lehiatu zen, 200 metroko banakako lasterketan eta 4x100ko errelebo proban. Banakako probako finalean zortzigarren postua lortu zuen. Baina, honek ere, errelebo lasterketan lortu zuen domiña, bere taldekideekin batera bigarren postua eskuratu baitzuen.