Asteazkenean trenez Arditurrira

Tren berdean joateko aukera egongo da meatzeetaraino.
/GARAÑO
Tren berdean joateko aukera egongo da meatzeetaraino. / GARAÑO

Bi bisita mota egin ahalko dira, oinarrizkoa eta sakonekoa

GARAÑO OIARTZUN.

Euskal Herrian zoko ezezagun ugari ditugu eta horien artean dago Arditurriko meategia. Herritar asko noizbait kobazulo batean sartu da, baina ez meategian, are eta gutxiago etxetik hain gertu dagoen honetan. Horrexegatik, udazkenean aukera bikaina dago Arditurriko meategi honek duen xarma ezagutzeko. Bertako ondarea hurbiletik ezagutu nahi duena oinez, bizikletaz, kotxez ala Oiartzungo plazatik irteten den tren berdean etor daiteke (aurre-erreserba bidez). Hona hemen parketxearen ordutegia: Azaroan: Ostegunetik igande eta jai egunetara 10:00-14:00 Abenduan: Asteartetik igande eta jai egunetara 10:00-14:00 (Abenduan 17etik urtarrilaren 11era arte itxita egongo da).

Datorren ostegunean trenez hurbildu nahi dutenek badute aukera. Izan ere azaroaren 1ean, trenez Arditurrira hurbildu eta meategiak ikusi ahal izango dira prezio berezian. Trena Pagoaldea Poligonotik (Oiartzundik) abiatuko da Arditurriraino, bidean Aiako Harriko Natura Parkean murgilduz. Hautatzen den bisitaren arabera tren ordutegi bat dago. Pagoaldetik Arditurrira trenak 10:00etan, 11:00etan eta 12:00etan abiatuko dira eta itzulerakoak, aldiz, 11:30etan, 12:30etan eta 13:30etan. Oinarrizko bisitek ordu erdi iraungo dute eta 10:45etan, 11:45etan eta 12:45etan izango dira. Sakoneko bisitak, berriz, 45 minutukoak izango dira. Ordutegiak honakoak dira: 10:30, 11:30 eta 13:30.

Prezioei dagokienez, hiru ezberdin egongo dira. Batetik, trena eta oinarrizko bisita nahi dutenek 5 euro ordaindu beharko dute. 1-4urteko bitarteko haurrek, hala ere, 3 euro ordaindu beharko dituzte oinarrizko bisitan. Bestalde, trena eta sakoneko bisita, 7euro izango da.

Informazio gehiago nahi izanez gero eta erreserba egiteko deitu 943 49 50 69 / 688 89 50 68 telefono zenbakira edo idatzi arditurri@gipuzkoamendizmendi.net helbidera. Web orria ere eskuragarri jarri dute: www.parketxesarea.org. Erreserba egitea nahitaezkoa da eta asteartetik igande eta jai egunetara 10:00-14:00 egin daiteke.

Contenido Patrocinado

Fotos

Vídeos