Argitu, argindarra aurrezteko tailer praktikoa emango da Oiartzunen

Izena eman behar da parte hartzeko hilaren 14a baino lehen

GARAÑO OIARTZUN.

Etxean, argindarraren energian aurrezteko tailerra emango da udaletxeko areto nagusian hilaren 18an (asteartea). Tailerra doakoa izango da. Parte hartzeko aldez aurretik izena eman behar da: edurne@izadi21.eus edo 628 532 303 telefonora deituta. Abenduaren 14a izango da izena emateko azkeneko eguna. Gipuzkoako Foru Aldundia da antolatzailea eta Udala laguntzailea. Oiartzungo Udalak herritarrak animatu nahi ditu etxean energia aurrezteko saio praktiko honetan parte hartzera.

Supermerkatu irekiera

Lehen Arkupe Arrainak enpresa zena, laster supermerkatu berri bat irekiko dute. Aldi supermerkatu katea da eta Alemaniako multinazionala da. Hilaren 18rako aurreikusten dute irekiera.

1150 metro koadroko azalera izango du denda berriak eta 14 langile berri egongo dira. Langileen kontratazioa zainduko dutela aipatu dute eta bertakoak nahi dituztela aipatu dute. Ordutegia 9:30-21:30 izango da eta 69 auto sartuko dira aparkalekuan. Gipuzkoako lehenengo saltokia izango da Oiartzungoa, eta EAEko bederatzigarrena.

Ohiko batzar nagusia

Oiartzun Kirol elkarteak datorren abenduaren 19an, osteguna, arratsaldeko 19:30ean lehen deialdia eta bigarena 20:00etatik aurrera, bere Ohiko Batzarra burutuko du Oiartzungo Udaletxeko Areto Nagusian. Batzar honetako gai-zerrenda ondorengoa da: Zuzendaritzaren agurra; Kirol-balantzea; Balantze ekonomikoa eta arren eta galderak. Oiartzun Kirol Elkarteko Zuzendaritzak dei berezi bat luzatzen die bazkide guztiei batzar hauetara ager daitezen.

 

Fotos

Vídeos