Apirileko udalbatzarra gaur ilunabarrean

Gaur 19:00etan hasita apirileko udalbatzarra egingo da udal areto nagusian. Hamahiru puntuko gai zerrenda landuko dute zinegotziek, besteak beste, Oiartzungo Udala eta El Watan elkartearen arteko lankidetza hitzarmenaren onarpena; Oiartzungo Udala eta Ibargain Musika Eskolaren arteko lankidetza hitzarmenaren onarpena; Oiartzungo Udala eta Euskaraz Kooperatiba Elkartean arteko lankidetza hitzarmenaren onarpena; 2019an Oiartzungo kirol klubek eta elkarteek funtzionamendu gastuetarako eta beraien jarduna sustatzeko diru-laguntzen onarpena, edo Oiartzungo udalerrian hiri-garbiketako eta etxeko hondakinen bilketa eta garraioko zerbitzuaren kontratuaren aldaketaren onarpena (bi ibilgailuren erosketa).