Altzibarko Cadarso enpresa botatzeko lanak hasi dira

Hilabete iraungo dute Cadarso eraisteko lanek. / GARAÑO
Hilabete iraungo dute Cadarso eraisteko lanek. / GARAÑO

Zehazteko dago eremuaren etorkizuneko erabilera

GARAÑO OIARTZUN.

Altzibarko Cadarso enpresa eraisteko lanak hasi ziren ostegunean. Hilabeteko iraupena izango dute eta 42.800 euroko aurrekontua.

Orain arte egindako balorazioen ondoren, pabilioiak botatzea erabaki du Udalak, tokia garbitu eta berreskuratzeko ezinbestekoa baita. Eusko Jaurlaritzak Hondamendi Industrial eremu izendatu du gunea.

Momentu honetan, lurraren egoeraren ebaluazioa egiten ari da aurreko lurjabe pribatua. Emaitzen arabera, Cadarsoko eremua etorkizunean zertara bideratuko den zehaztu beharko da.

Eremuaren berreskurapena

Iazko abuztuaz geroztik, Altzibarko Cadarso eremua udal jabetzakoa da ofizialki.

Cadarsok eta Udalak hitzarmena 2010eko uztailean sinatu zuten, enpresak auzogunea utzi eta bere jarduera industriala Lanbarrenera eraman zezan. Enpresak bere jarduera Lanbarren poligonora eraman du, Udal jabetzakoa zen lur-eremu batekin trukea eginda. Gune hori prestatu bitartean, Altzibarren lanek jarraitu zuten. 2017 urte hasieratik jarduera industriala eten zen Altzibarren.

Altzibarko auzotarrek euren bizi-kalitatea kaltetzen zuen jarduera industriala auzotik ateratzeko eskaera egin zuten.

Contenido Patrocinado

Fotos

Vídeos