Altzibar eta Karrika lotzen dituen bidegorria txukuntzeko lanak, hastear

Bidegorria Karrikako plazaraino luzatu, argiteria jarri eta asfaltatu egingo da

GARAÑO OIARTZUN.

Altzibar eta Karrika arteko bidegorria txukundu eta luzatzeko lanak hasiko dira datozen egunetan. Hiru hilabeteko aurreikuspena dute lanek eta 274.000 €ko inbertsioa egingo da. Lan hauek egin ahal izateko, Gipuzkoako Foru Aldundiaren laguntza lortu du Udalak. Altzibar-Karrika bidegorriaren hobekuntza lan hauen baitan bidegorria Karrikako Errotaurre plazaraino luzatu; bidegorriari 2,5 metroko zabalera eman bide osoan; argiteria jarri; seinalitika jarri eta bidea asfaltutako da.

Altzibarko zein Karrikako auzo batzarretan erakutsi ziren planoak urrian, eta zalantzak argitu. Lanak Karrikatik hasiko dira eta puntualki, obretan dagoen eremua itxiko da. Lan hauekin, oinezkoen sarea luzatzea eta auzoen arteko mugikortasuna hobetzea lortu nahi da. Karrika-Altzibar bidegorria Bide Berdea ere bada, garai bateko Artikutzako trenaren bide zati bat hartzen baitu.

 

Fotos

Vídeos