Abarka GKE-rekin lau urterako hitzarmena sinatu du Udalak
Nazioarteko kooperazioan aritzen den elkarteak Altzibar auzoko eskolan lanerako espazioa izango du
GOIZARIN
Igandea, 7 azaroa 2021, 01:52
Udalak eta Abarka Gobernuz Kanpoko erakundeak (GKE) lau urterako hitzarmena sinatu dute gaur, ondorioz, Altzibar auzoko eskolan lanerako eremua izango du elkarteak. Clotaire Ntienou Abarkako lehendakariak eta Naroa Ibargoien Abarkako kideak formalizatu dute hitzarmena, Olaia Lasa Gizarte-Ongizate zinegotziarekin batera.
Abarka GKE-a Oiartzunen kokatua dago. Kamerunen hezkuntza, osasun eta prebentzio proiektuak garatzeaz gain, Europa mailan ere jarduten dira. Europako Batasuneko Erasmus+ proiektuaren baitan, hiru lerrotako lanketak egiten dituzte: gazteen arteko elkartrukeak; formakuntza eta produktu digitalen inguruko epe luzerako proiektuak.
«Herri mailan gure proiektuak ere zabaltzea» dutela erronka azaldu dute Abarkako kideek.
