2018a korrika agurtu zuten hainbat herritarrek

Lasterketaren irabazleak euren sariekin. Haurtzaro Atletismo taldeko hainbat kidek parte hartu zuten Errenteriako San Silvestren. Errazkin, Ibarguren eta Leonet.
/GARAÑO
Lasterketaren irabazleak euren sariekin. Haurtzaro Atletismo taldeko hainbat kidek parte hartu zuten Errenteriako San Silvestren. Errazkin, Ibarguren eta Leonet. / GARAÑO

GARAÑO OIARTZUN.

Urteroko lasterketa egin zen pasa den igande goizean. 0 km lasterketa herrikoiak sei kilometroko luzera zuen eta plazan hasi eta bukatu zen. Guztira 225 korrikalarik parte hartu zuten. Antolatzaileak oso eskertuak zeuden guztia Aurrera eramaten lagundu zuten guztiekin.

Lasterketa honekin sakabanaketa politikarekin amaitzea eskatu zuten. Gainera, lasterketaren izena aldatzeko asmoa ere azaldu zuten. Izan ere, horrek esan nahiko du euskal presoen sakabanaketa bukatu dela. Horretarako guztion indarra beharrezkoa dela aipatu zuten eta ekarpenik txikienak ere gauza asko alda ditzakeela. «Beraz, ekin pausoak ematera eta atera kalera bidea eraikitzera. Gero eta parte hartzaile gehiago, gero eta hurbilago» gogorarazi zuten sari banaketan.

Emakumeak
1.-Ane Etxebeste (Oiartzun); 2.- Eneritz Arbelaitz (Oiartzun); 3.-Ana Garcia (Oiartzun); 4.- Olatz Mitxelena (Oiartzun)eta 5.-Olatz Izagirre (Elorrio).
Gizonak
1.-Aritz Leonet (Oiartzun); 2.-Jon Urtizberea (Hondarribia); 3.-Victor Madejon (Irun); 4.-Peio Martin (Urnieta) eta 5.-Gorka Herce (Oiartzun).

Irabazleei dagokienez, Ane Etxebeste eta Aritz Leonet oiartzuarrak izan ziren lehenak helmugara iristen. Oso pozik agertu ziren eta plazan harrera bikaina egin zioten bi gazteei. Saria etxean geratu zen, etorkizuna behintzat ziurtatuta dago Oiartzunen.

Errenteriako San Silvestrea

Abenduaren 31n Errenteriako lasterketan ere parte hartu zuten Haurtzaro Atletismo taldeko hainbat korrikalarik. Haurretan, benjamin, alebin eta infantilek, elkarrekin beroketa eder bat egin ondoren, primeran pasa zuten Oreretako kaleetan zehar korrika. Helduetan bi lasterketa izan ziren: luzea eta laburra. Laburrean emakumezkoetan sailkapenean lehenengoa Hiart Ibarguren izan zen eta bigarrena Amaiur Errazkin. Luzean, berriz, lehenengo hamar postuetan hiru Haurtzaroko atleta sartu ziren: Aritz Leonetek bigarren postua lortu zuen Borja Manchadok hirugarrena eta Mikel Hoyosek hamargarrena.