Errenteria

Oiartzo Ikastola ezagutzeko ate irekiak izango dira apirilaren 1ean

Oiartzo batxilergo-ikastolak familientzako ate irekien saioa antolatu du apirilaren 1ean 17:30ean, batxilergo-ikasketak egiteko aurrematrikula-epea ireki berritan (martxoaren 31tik apirilaren 11ra artekoa izango da azken hori). Ikastola ezagutu eta zalantzak argitzeko saioa izango da. Ez da beharrezkoa aldez aurretik hitzordua hartzea.

Oiartzok batxilergo-modalitate nagusiak eskaintzen ditu, osteko edozein ikasketetarako sarbidea ahalbidetuz. Horrez gain, Oiartzon ikasleek beren interesen arabera aukera ditzakete aukerako gaiak, modu guztiz askean. Oiartzoren hezkuntza-proiektuaren eta bestelako informazio praktikoaren gaineko xehetasun gehiago www.oiartzoikastola.eus webgunean topa daitezke.