Errenteria

Maiatzeko Euskaraldian izen emateko epea irekita dago

2025eko Euskaraldia gero eta gertuago dago eta antolatzaileek 16 urtetik gorako norbanakoak animatu nahi dituzte edizio berri honetan parte hartzeko. Horretarako interesa dutenek izena eman beharko dute izenematea.euskaraldia.eus estekaren bidez.

Aurrekoetan bezalaxe, belarriprest edo ahobizi rolak izango dira aukeran. Bestalde, eta berritasun bezala, edizio honetan beste txapa bat izango da eskuragarri. Izan ere, euskaldunen artean hikaren erabilera sustatzeko, «honekin ausartzen direnei txapan 'H' pegatina gehituko zaie», azaldu dute antolatzaileek.