Errenteria

Haur eta gazteentzat arraun ikastaroak eskainiko ditu Hibaikak

Hibaika Arraun Elkarteak arraun ikastaroak antolatu ditu arrauna gertutik ezagutu eta kirol gisa probatu nahi dutenentzat. Ez da beharrezkoa aurrez ezagutzarik izatea. Ikastaroak 2012. urtean edo aurretik jaiotako haur eta gazteei zuzendutakoak dira, eta uztailaren 14tik 18ra bitartean izango dira, 09:30etik 12:30era; hiru orduko saioak izango dira. Izena emateko, www.hibaika.com web orrian sartu behar dute interesdunek eta bertan dagoen galdetegia erantzun.

Informazio gehiagorako, berriz, info@hibaika.com posta elektroniko helbidera idatzi behar dute. Hibaka Arraun Elkartetik haur eta gazte guztiak animatu nahi dituzte arrauna lehen eskutik ezagutu, eta probatzera.