Mugarri eta 'Oiartzun' urtekaria

Bestalde, urtekaria ere argitaratu da. Aurten, elkarrizketa nagusia Gurutze auzoko Juanito Galdosi egin zaio. Seme-alaben atalean Joxe Billaluze eta Joxe Manuel Etxarte; Izar Etxeberria; Marian Garmendia; Kontxita Iturain; Sebastiana Kamio; Ainara Lasa; Joxe Mari Legorburu; Koxme Lizaso; Onintza Mixtelena; Aitor Puertas eta Gorka Urra daude. Herriko elkarteen berri eta herriko historiako pasarteak ere bildu dira urtekarian, ohitura denez.

Aurtengo omendua Adolfo Leibar izan da. Urtetan Urtekari Batzordean eta Mugarrietan egin duen lana, besteak beste, eskertzeko modua izan da xanistebanen bezperako kultur ekitaldian berari omenaldia egin izana. Leibarrek eskerrak eman ditu, familiartekoz inguraturik.