Historiari eskainiko diote aurtengo Juan San Martin ikerketa beka

Bekak saritutako azken lagunak Jaime Altuna eta Josu Ozaita antropologoek, 'Itzalitako kalabazen berpiztea. Arimen Gau, Halloween eta Gau Beltzaren haur-ospakizunen ikerketa etnografikoa' liburua sortu zuten/Eibarko Udala
Bekak saritutako azken lagunak Jaime Altuna eta Josu Ozaita antropologoek, 'Itzalitako kalabazen berpiztea. Arimen Gau, Halloween eta Gau Beltzaren haur-ospakizunen ikerketa etnografikoa' liburua sortu zuten / Eibarko Udala

Bekara aurkeztu nahi dutenek eskaera eta dokumentazioa 2019ko irailaren 2tik urriaren 11ra arte aurkeztu beharko dute, bi datak barne

El Diario Vasco
EL DIARIO VASCODonostia

Historiari eskainiko diote aurtengo Juan San Martin beka deialdia. Bekara aurkeztu nahi dutenek eskaera eta dokumentazioa 2019ko irailaren 2tik urriaren 11ra arte (biak barne) aurkeztu beharko dute Pegora herritarren zerbitzurako bulegoan edo elektronikoki udal webgunean. Eibarko Udalak UEUrekin lankidetzan kaleratzen duen bekak euskarazko ikerketa sutatzea du helburu, eibartar ikertzailearen omenez.

Bekaren iraupena gehienez 18 hilabetekoa izango da, beka esleitzen den egunetik hasita. Gainera, proiektua, azterlana eta memoria euskaraz burutuko dira, eta ikerketa-lanak originala eta argitaratu gabea izan behar du.

Ohi modura, beka norbanakoek nahiz horretarako osatutako lantaldeek jaso ahal izango dute. Ezinbestekoa da diplomatua, maila horretako tituluduna edo goi mailako tituluduna izatea. Taldeen kasuan, gutxienez erdiak bete beharko du baldintza hori.

Eskatzaileak bere euskarako gaitasuna frogatu beharko du EGA edo baliokide den titulu edo ziurtagiri bidez. Lantaldeen kasuan berdin, partaide guztiek frogatu beharko dute aipatutako gaitasuna.

Bekak saritutako azken lagunak Jaime Altuna Ramirez eta Josu Ozaita Azpiroz antropologoak izan ziren. 'Itzalitako kalabazen berpiztea. Arimen Gau, Halloween eta Gau Beltzaren haur-ospakizunen ikerketa etnografikoa' liburua sortu zuten horrela, urriaren 31a iluntzean sortzen ari diren ospakizun berriak aztertuta.

Temas

Euskera