Erromatarren garaira itzuliko da Irun

Kutsu militarra duten jarduerak omen dira haurrei gehien gustatzen zaizkienak. / FLOREN PORTU

Azaleko Irun hiriaren aurreko beste hiri bat dago lurpean, Oiasso erromatarra. Denbora asko eman zuen ezkutuan, baina azken hamarkadetan etengabe ari da azaleratzen eta, horri esker, Historia berreraikitzen doa. Hiri erromatar garrantzitsu haren inguruan aurkitutako aztarnak biltzen dituen Oiasso Erromatar Museoak dibulgazio lan handia egin du, sortu zenetik, garai haiek ezagutzera emateko. Orain dela bederatzi urte dibulgazio lan horri ukitu ludikoa ematea erabaki zuen, Dies Oiassonis festibalaren abiaraziz.

Bederatzigarren edizioa ostiral honetan hasiko da, uztailaren 13an, eta asteburuan zehar luzatuko dira proposamen ugariak. Egitarauak dozenaka ekitaldi hartzen ditu barne: artisautza, antzerkia, jokoak, desfile ikusgarriak... Bideo honetan Maria Jose Noain Museoko jardueren arduradunak gogoratu duenez, oso zabala da eskaintza, eta aurten zirku erromatarra nolakoa zen ikusteko aukera ere izango dute Irunen K.o. I. mendera itzultzera animatzen direnek.

Temas

Euskera

Contenido Patrocinado

Fotos

Vídeos