DV Kirolak

Notebaert eta Estarriaga, garaile

Ederra. Igande borobila atera zitzaien Betelun. /KIROL MANKOMUNITATEA
Ederra. Igande borobila atera zitzaien Betelun. / KIROL MANKOMUNITATEA

Iparraldeko Jean-Françoisek eta Etxarri-Aranatzeko Leirek garaipenak bereganatu zituzten igandean Nafarroan ospatu zen Araitz-Beteluko Krossaren 14. edizioan

A.L.

Jean François Notebaert frantsesak eta Leire Estarriaga nafarrak bereganatu zituzten garaipenak joan den igande goizean Nafarroan antolatu zen Araitz-Beteluko Krossaren 14. edizioan. Goiz borobila atera zitza-ien lasterketa ospetsu honetaz gozatzera hurbildu zirenei, korrika egiteko eguraldi bikaina aurkitu bait zuten, nahiz eta euri tantta batzuk erori ziren proba osoan zehar.

Ezinbesteko hitzorduan bilakatu da duela asko dagoeneko urtea hasteko Araitz-Areso-Betelu-Larraun-Lekunberriko Kirol Mankomunitateak antolatzen duen proba jator hau. Izan ere, ehundaka parte-hartzaile elkartu zen guztira lasterketa nagusia eta ordu erdi lehenago umeentzako antolatzen dena batuta, guztientzako aproposa den jardunaldi bikain honetan.

Iparraldeko Jean François Notebaertek sekulako 24'56''ko denbora sinatu zuen helmuga marra guru-tzatzerakoan, baina Aitor Mimenza elorriotarra (25'04'') benetan hurbil iritsi zen, Roberto Carlos Trejo (25'15'') burlatarra podiumean lagun izan zutelarik. Raul Gomez lasartearra, aldiz, laugarrena izan zen.

Emakumeen artean, Leire Estarriagak (30'36'') nahiko aise menderatu zituen 7,7 kilometroetan zehar aurkitu zituen aldapa gogorrak eta Aitana Gil (30'47'') eta Maialen Loyo (31'23'') bigarren eta hirugarren izan ziren. Maider Korta azpeitiarra bostgarrena izan zen.