Mendi festa handi bat Donostian

Adiskidetasun giroan. Donostiako 3 Mendiak lasterketa arrakastatsua izan zen beste behin./SARA SANTOS
Adiskidetasun giroan. Donostiako 3 Mendiak lasterketa arrakastatsua izan zen beste behin. / SARA SANTOS

Ibai Beracierto, Yolanda Redruello, Aritz Mujika, Naiara Hernandez, Iñaki Añorga eta Vanessa Pelaez atera ziren garaile joan den igandean ospatutako 3 Mendiak proban

Á.L.

350 mendi-lasterketa zaletutik gora elkartu zen joan den igandean eguraldi deserosoaren aurka Donostiako 3 Mendiak probak eskaintzen dituen hiru lasterketetatik batean parte hartzeko. Azkenean ez zuen bota iragarri zuten bezainbeste euria eta hiriburuko kirol goiza sekulako mendi-lasterketa festa batean bilakatu zen, ikusle ugari bilduz eta adiskidetasun giro bikainarekin.

Igeldoko igoerak korrikalari gutxiago batu zituen eta Ibai Beracierto zarauztarra (26:03) eta Yolanda Redruello usurbildarra (39:50) atera ziren garaile, Ibairen kasuan bost segundu eskaseko abantailarekin.

Igeldo eta Urgulleko proban, Aritz Mujika andoaindarrak (38:32) eta Naiara Hernandez lasarte-oriatarrak (47:50) bereganatu zituzten garaipenak, honetan ere gizonen lasterketa parekatuagoa izan zelarik.

Eta Igeldo, Urgull eta Ulia batzen zituen proban, Iñaki Añorga usurbildarrak (57:24) eta Vanessa Pelaez andoaindarrak (1:06:31) merezimendu osoz eskuratu zituzten goizeko txapela preziatuenak.

Temas

Euskera
 

Fotos

Vídeos