Utopiak eguneratzeko eta iruditeria kolektibo berriak eraikitzeko garaia

Xabier Agirre Usurbilgo alkatea, Jakineko Lorea Agirre eta UEUko Iñaki Alegria, ekainean, jardunaldia aurkeztu zutenean./
Xabier Agirre Usurbilgo alkatea, Jakineko Lorea Agirre eta UEUko Iñaki Alegria, ekainean, jardunaldia aurkeztu zutenean.

Ostegunean eta ostiralean egingo da Usurbilen 'Utopia 68/18. Iruditeria berrien bila' jardunaldia, teoria eta praktika uztartuko dituena

68ko Maiatzaren mende erdia aitzakiatzat hartuta, egungo utopia eta eraldaketa eremu eta borrokak izango ditu ardatz ostegunean eta ostiralean, ekainak 12 eta 13, Usurbilen egingo den Jakin Jardunaldiak. 'Utopia 68/18. Iruditeria berrien bila' jardunaldia

ardaztuko da aurtengo Jakin Jardunaldia, iazkoa bezala, UEUren, Usurbilgo Udalaren eta JAKINen elkarlanaren emaitza da, eta bederatzi aritu eta aditu elkartuko ditu: Amaia Lasa, Alba Garmendia, Edu Apodaka, Uzuri Aboitiz, Bego Zearreta, Iñaki Barcena, Anaiz Agirre, Xabier Harlouxet eta Bego Huarte. Jardunaldiaren berezitasunetako bat, hain zuzen, teoria eta praktika uztartzea da.

'Harria Hitz' doako eta euskarazko bisita gidatuan parte hartu nahi bada, izena emateko epeak zabalik jarraitzen du

UEUren Udako Ikastaroen baitan kokatzen diren saioez gain, jardunaldiarekin batera 'Harria Hitz' bisita gidatua egingo da ostegunean, uztailaren 12an, 18:00etatik aurrera. Bi ordu eta laurdeneko iraupena izango duen bisitak Usurbilgo herrigunea korrituko du, bereziki erreparatuz balio artistiko eta kulturala duten guneei: Dema Plaza, Udarregiren omenezko eskultura, Zumetaren murala, Mikel Laboa Plaza, Tapiaren murala, Askatasuna Plaza, Sagardoaren Monumentua... TXTXTX Txokoaldeko Txalaparta Txokora bisita ere hartu du barne bisitak. Azalpenak euskaraz emango dira, bisita doakoa da ezinbestekoa aurretik apuntatzea. Oraindik eman daiteke izena 688 818 017 telefonan edo info@kultour.pro helbidean.

Gogoeta kolektiboa

Xabier Agirre Usurbilgo alkateak, Jakineko Lorea Agirrek eta UEUko Iñaki Alegriak jardunaldia aurkeztu zutenean nabarmendu bezala, 60ko hamarkadan «izaera propioa» hartu zuten Euskal Herrian Parisen, Pragan, Berlinen, Mexikon eta beste zenbait tokitak loratu ziren utopiek. Ikastolak, euskara batua, literatura eta kantagintza modernoaren lehen urratsak, sekularizazioa... Hamarkada erabakigarri hartan jarri ziren, arlo askotan, gaurko Euskal Herriaren oinarriak.

Mende erdi igaro den honetan, baina, erronka berriei egin behar zaie aurre, eta utopiaren iruditeria aldatzea ere ezinbestekoa da, «gogoeta kolektiboaren bitartez, nora goazen edo nora joan nahiko genukeen begitantzeko». «Gaur egun eta hemen utopia zeri deitzen diogun aztertzeko, gizartea eraldatzeko borroka eremuak non dauden zehazteko, eta zer iruditeria kolektibo eraiki eta partekatzen ari garen hausnartzeko, nola berritu dezakegun pentsatzeko» antolatu da hain zuzen aurtengo Jardunaldia.

Esan bezala, teoria eta praktika uztartuko ditu ikastaroak. Lehen eguna horren lekuko. Lorea Agirreren sarrerako hitzen ondoren, Amaia Lasa idazle eta irakasleak 'Nondik gatoz, non gaude' hitzaldia eskainiko du. Ondoren, utopiaren inguruan jardungo dute Alba Garmendia EHUko Filosofia Saileko doktoregaiak eta Edu Apodaka EHUko Soziologia irakasleak. Markoa ezarrita, zaintzaren utopiari helduko zaio. Universitat de Barcelonako Gizarte Antropologia Saileko Uzuri Aboitizek landuko du gaia, eta Bego Zearreta Bizkaiko adinekoen egoitzetako langile grebalariak kontatuko du kolektiboaren esperientzia.

Bigarren egunean, Iñaki Barcena EHUko Politika Saileko irakasleak 'Eko-Sozialismo-Feminista, utopia berri bat?' gaia landuko du. Bizi! mugimenduaren esperientziaz jardungo dute Anaiz Agirre eta Xabier Harlouxetek, eta, azkenik, Bego Huartek hartuko du hitza Ongi Etorri Errefuxiatuak plataformako bizipenei buruz solasteko.

Temas

Euskera

Contenido Patrocinado

Fotos

Vídeos