Tourreko 13. etapa eta Arrigorriagako pilota jaialdia, zuzenean

14:15ean egingo dute bat 27,5 kilometroko erlojuaren kontrako probarekin. Gaueko partida nagusian Olaizola II-Aretxabaleta eta Urrutikoetxea-Aranguren izango dira aurrez aurre

Ostiralean Frantziako Tourreko erlojuaren kontrako proba izango da ikusgai ETBn eta eitb.eus (14:15 ETB4 → 15:00 ETB1). Fermin Aramendik, Xabier Usabiagak eta Pedro Mari Goikoetxeak egingo dute Pauen hasi eta amaituko deen 13. etaparen zuzeneko kontakizuna.

Gauean pilota izango dugu zuzenean Arrigorriagatik. 22:00etan hasiko jaialdia Arretxe II-Salaverri / Alberdi-Etchegoin norgehiagokarekin. Partida nagusia Olaizola II-Aretxabaleta eta Urrutikoetxea-Aranguren artean jokatuko da. Xabier Euzkitze eta Joxean Tolosa izango dira esatariak.

Forest Whitaker, Oprah Winfrey eta David Oyelowo protagonista dituen El Mayordomo filma ere ikusi ahalko da ostiral gauean, ETB2n, 22:15etik aurrera.

Benetako gertakizunetan oinarritutako pelikulak Etxe Zuriko maiordomo baten bizipenak ditu ardatz. Cecil Gaines (Forest Whitaker) 30 urtez izan da AEBetako Etxe Zuriko etxezaina. Urte horietan guztietan, Estatu Batuen historian mugarriak izan diren hainbat gertakizun bizi izan ditu lehenengo pertsonan. Besteak beste, arrazakeriaren kontrako borrokaren, giza eskubideen aldarrikapenen eta John F. Kennedy edo Martin Luther Kingen hilketen berri izan du, oso gertutik. Lanarekiko duen konpromisoak emaztearekin (Oprah Winfrey) eta semearekin (David Oyelowo) duen harremanean eragingo du.

Temas

Euskera