Poloniako Poznan herrian izango da asteleheneko 'Euskalonski'

Bigarren Mundu gerrako museoan./EITB
Bigarren Mundu gerrako museoan. / EITB

1992tik euskara eskolak ematen dira hango unibertsitatean eta dozenaka dira bertan euskaldundu direnak

Astelehen honetan, Amerika atzean utzi eta Europa erdi-erdira etorriko da 'Euskalonski', Poloniara, Poznango hirira, hain zuzen ere. Bi akerren hiria ere esaten diote, izan ere, adardun abere hauek dira hiriaren sinboloa. Erdi aroko itxurako hiria da Poznan, txikia eta kaskarina, eta euskaldun kopuru harrigarria dago bertan. Izan ere, 1992tik euskara eskolak ematen dira hango unibertsitatean, eta dozenaka dira bertan euskaldundu direnak.

Aste honetako 'Euskalonski'k horietako batzuk ezagutuko ditu, denak ere euskara maila apartekoa daukatenak. Horien eskutik hiriaren hainbat sekretu ezagutuko dituzte, hala nola, Bigarren Mundu gerrako museoa, hiriko liburu denda sekretua, antzerki alternatibo eder eta glamourrez betea, eta beste gauza asko.

'Euskalonski' astelehen honetan emitituko da 22:30ean ETB1en.

Temas

Euskera

Contenido Patrocinado

Fotos

Vídeos