Neutroien espalazioaz, 'Teknopolis' saioan

Saioa atomoen ikerketarako eraikitze-lanak ikusten izan da Suedian eta bertatik bertara ezagutu ditu proiektu erraldoi horren eraikitze-lanak

Harrigarria dirudien arren, zenbat eta gauza txikiagoak behatu nahi izan, tresna handiagoak behar dira. Eta Suediako Lund hirian tresna erraldoi bat eraikitzen ari dira, hain zuzen ere, materiaren barrualdea ikusteko, ikertzaileen begia atomoen barrura sartzeko, alegia. Tamainaren ideia bat egiteko, kilometro erdiko tunel bat egin dute protoien azeleragailua kokatzeko. Europako Espalazio zentroa da, eta 2025erako martxan egongo da. Orduan, mundu osoko ikertzaileen esku egongo da eta hamaika erabilera izango ditu.

Baina ordura arte badago zeregina, bai Lund-en eta baita zentroa teknologiarekin hornituko duten Europako herrialdeetan ere. Eta Euskal Herrian bertan ari dira instalazio erraldoi horretarako ekarpenak egiten, ESS-Bilbon.

'Teknopolis' saioa, larunbatean izango dugu ikusgai ETB1en, 13:30ean, eta igandean, ETB2n, ordu berean, baita eitb.eus-en ere.

 

Fotos

Vídeos