Koldo Serra-ren 'Gernika' abuztuaren 19an ETB1en

Koldo Serra zinemagilea. /El Correo
Koldo Serra zinemagilea. / El Correo

Andrea Ropero eta Xabier Gutiérrez kazetariek gidatuko dute bonbardaketaren inguruan egindako 'El sabor del crimen' saioa; abuztuaren 19an, astelehenean, 22:30etan ETB1en

El Diario Vasco
EL DIARIO VASCO

Astelehen honetan, abuztuak 19, Andrea Ropero kazetaria eta Xabier Gutierrez sukaldaria Gernika pelikulan barrena murgilduko dira 'El sabor del Crimen' saioan. Gerra Zibilaren garaian, Gernikako herriak jasan zuen bonbardaketa basatia gogoratuko dute eta pelikulan garatzen den istorioaren berri emango dute.

Koldo Serra zinegile bilbotarraren lanak Errepublikako prentsa bulegoko editore baten eta Estatu Batuetako gerra- kazetari baten arteko harremana hartzen du hizpide.

Populazio zibilaren kontra zuzendutako lehen erasoa izan zen eta gertakari tragiko haiek herriko historia markatu zuten betirako. Hitlerren Kondor legioak lau orduz bonbardatu zuen Gernika eta herriaren % 85a guztiz hondatuta geratu zen.

Eraso hura esperimentu militarra izan zen, eta bigarren mundu gerratearen garaian, hainbat alditan errepikatu zuten Europako herri ezberdinetan.

Mikel Ayestaran korrespontsalaren eskutik George Steer kazetari britaniarra ezagutuko dugu. Steerek bonbardaketaren hurrengo egunean, nazioarteko hedabideetan zabaldu zuen Gernikan gertatutakoa.

Horrez gain, Maria Luisa Lecumberri eta Luis Iriondo gernikarrek 1937ko apirilaren 26an gertatutakoaren datu guztiak gogoratuko dituzte. Beraientzat, postre berezia prestatuko du Xabier Gutierrez sukaldariak, Xabier Irujo idazlearekin batera.

Aitor Miñambres historialariak ere hainbat datu emango ditu Gernikako bonbardaketaren inguruan eta berarekin refugio antiaeroetan egongo dira.