Julen Hernandez, HolaJulen, 'Gure Kasa'n

Julen Hernandez HolaJulen Euskal Herriko youtuberrik ezagunetarikoa da. 'Gu ta Gutarrak' saioan ikusi genuen, begetarianoa da, bidaiazale amorratua, egunero 10 aldiz garbitzen ditu eskuak eta liburu bat idatzi du, besteak beste. Luze eta zabal ariko dira berarekin telebistari, youtuberi eta youtuberrei buruz asteazkeneko 'Gure Kasa' saioan.

Asisko Urmeneta eta Arbelaitz, bere arbela magikoa, gurekin izango dira. Eta Iban Garcia gurpil gainean ikusiko dugu, Mario Kart bideo-jokoaren egiazko bertsioarekin.

'Gure Kasa' asteazken honetan izango da ikusgai 21:30ean ETB1en.