Joseba Ezkurdia eta Ainhoa Larrañaga izango dira 'Donostiako Aste Nagusia 2019' saioan

Asteazkenean, Valentziako Gironina su-etxearen txanda izango da

Asteazken honetako 'Donostiako Aste Nagusia 2019' saioan, Agustin Ezenarrok eta Izaro Iraetak bi gonbidatu izango dituzte: Joseba Ezkurdia pilotaria eta Ainhoa Larrañaga aktore eta abeslaria.

Horrez gain, Iñigo Agirre kazetaria Donostiako izozkien misterioa argitzeko asmoarekin irtengo da kalera. Zergatik dago horrenbeste jende ilara egiten izozki bat erosteko?

Saioak, gainera, su artifizialak eskainiko ditu zuzenean. Asteazkenean, Valentziako Gironina su-etxearen ikuskizuna izango da ikusgai.

'Donostiako Aste Nagusia 2019' asteazkenean izango da ikusgai, 22:15ean, ETB1en eta eitb.eus-en.