Irene Paredes futbolaria, 'Gure Kasa' saioan

Irene Paredes, artxiboko argazkian./MICHELENA
Irene Paredes, artxiboko argazkian. / MICHELENA

Gaur egun Paris Saint-Germain taldeko jokalaria den futbolari legazpiarra izango dute gonbidatu asteleheneko saioan

Euskal Futbolak atzerrian ordezkari bat baldin badauka, hori zalantzarik gabe Irene Paredes kirolari legazpiarra da, astelehen honetan 'Gure Kasa' saioko gonbidatua. Parisen, Paris Saint-Germain taldean jokatzen du. Frantziako liga irabazteaz gain, FIFAk munduko hamaikako onenean sartu du, Espainiako estatu mailan lorpen hori bereganatzen duen lehen emakumea izan da.

Jon Garate kalean jokoa banatzen izan da. Ireneri buruz galdetu eta ukituak egiten jarri du jendea. Nahiara Gagok, aldiz, joko berri bat prestatu du gonbidatua eta aurkezleak nor baino nor gehiago jartzeko. Eta Nerea Aliasek aho zabalik utziko du Irene Paredes bere senide eta lagunek emango dioten sorpresarekin.

Aitor Frantsesenak, bere tartean, Markel Etxabega aurkeztuko du, erretinosi pigmentarioa duen lagun bat. Londresen bizi da bakar-bakarrik eta primeran moldatzen da. Bukatzeko, Iban Garciak saiora etortzeko gonbidapenak banatzen jarraitzen du. Aste honetan Pou anaiak aurkitu nahi ditu. Lortu ote du?

'Gure Kasa' astelehentik ostegunera izaten da ikusgai, 21:30ean, ETB1en eta eitb.eus-en.

Temas

Euskera
 

Fotos

Vídeos