Erlauntza antzezlaneko aktoreak, 'Gure Kasa' saioan

Itziar Atienza, Sara Cozar, Naiara Arnedo, Getari Etxegarai eta Leire Ruiz izango dira gonbidatu

'Erlauntza' antzezlanaren bost aktore protagonistak izango dituzte asteazken honetako 'Gure Kasa' saioan gonbidatu: Itziar Atienza, Sara Cozar, Naiara Arnedo, Getari Etxegarai eta Leire Ruiz.

Txikitatik ezagutzen diren lagun batzuen bizipenak kontatzen ditu obrak. Sei lagun landetxe batean elkartuko dira festa bat egiteko eta hasieran umore onez hasiko dena, ez da oso ondo amaituko: pixkanaka, trapu zaharrak, sekretuak eta trama ezberdinak ateratzen joango dira.

Bestalde, saiora etortzen diren gonbidatu gehienak urduri egoten dira, Nerea Aliasen artxiboa dela eta. Gaurkoan, bideo bana prestatu du beraientzat.

Iban Garciari, berriz, egunetik egunera astakeria handiagoak bururatzen zaizkio. Bizarra mozteko aparra gorputzean eman, elurretako panpinaz mozorrotu eta hondartzara joan da.

'Gure Kasa' asteazken honetan izango da ikusgai 21:30etik aurrera ETB1en.

Temas

Euskera

Contenido Patrocinado

Fotos

Vídeos