Arrauna, pilota eta txirrindularitza, zuzenean

Coruñako Bandera, Binakako San Fermin Torneoa eta Frantziako Tourreko 2. etapa eskainiko ditu ETB1ek

Zuzeneko hiru kirol emanaldi izango dira igandean ETB1en. Hasteko, arrauna. Coruñako Banderaren 2. jardunaldia jokatuko dute Euskotren eta Eusko Label ligetako traineruek 11:45ean hasita. Mikel Olazabal, Ibon Gaztañazpi eta Sara Gandara izango dira esatariak.

14:15ean hasiko da Frantziako Tourreko emanaldia ETB4n eta 'Gaur Egun' albistea amaitutakoan ETB1era pasako da. Mouilleron-Saint-Germain eta La Roche-sur-Yon artean jokatuko den 2. etaparen nondik norakoak ekarriko dizkigute Fermin Aramendik, Xabier Usabiagak eta Pedro Mari Goikoetxeak.

Txirrindularitza emankizuna amaitutakoan, 17:40ean, Iruñearekin bat egingo dute. Hiru partida hauek jokatuko dira Labriten: Mendizabal III-Ruiz / Etxeberria-Merino II, Urrutikoetxea-Larunbe / Ezkurdia-Zabaleta (San Fermin Torneoa) eta Elordi-Lasa IV / Peña II-Iturriaga. Xabier Euzkitzek, Joxan Tolosak eta Xabier Anduezak egingo dute kontakizuna.

Bestalde, 11:00etan herri kirolen tartea zabalduko dute uztailaren 1ean Mungian jokatutako harri-zulatzaileen Euskal Herriko Txapelketa eskaintzeko. Xabier Anduezak izango dugu berriemaile.

Temas

Euskera

Contenido Patrocinado

Fotos

Vídeos