Akustikaz arituko dira aste honetako 'Teknopolis'en

Gainera, soinuaren eta zarataren arteko muga aztertu eta partikulak airean mantendu edo mugitzeko erabili daitezkeen ultrasoinuez arituko dira

Agertoki handi batean hasiko du 'Teknopolis' saioak urtea. Akustika on bat izan dezan auditorio batek xehetasun asko zaindu behar ditu: hormak, lurra, materialak, orientazioa... eta baita eserlekuak ere. Horren eredu ona da Kursaal auditorioa. Munduko akustika oneneko aretoen artean omen dago. Hori nola lortu duten erakutsiko du aste honetako 'Teknopolis' saioak.

Dena dela, soinuaren eta zarataren arteko muga oso lausoa da, norberaren araberakoa askotan. Baina zientifikoki ere aztertu daiteke, akustikaren bidez. Eraikuntzarako materialak, leihoak, ateak, sabaiak... zarataren aurrean nola erantzuten duten ikusi ahal izango da.

Soinua lebitaziorako ere erabil daiteke. Magia itxura du, baina fisikan oinarritzen da: ultrasoinuak erabiliz partikulak airean mantendu edo mugitu daitezke. Nafarroako Unibertsitate Publikoko adituek azalduko dute nola.

'Teknopolis' larunbat honetan izango da ETB1en ikusgai, 13:30ean, eta igandean, ordu berean, ETB2n.

Temas

Euskera