Sara Cozar eta Joseba Apaolaza protagonista dituen 'Ergela', Victoria Eugenian ikusgai

Sara Cozar eta Joseba Apaolaza /
Sara Cozar eta Joseba Apaolaza

Uztailaren 21a bitarte, Donostiako Victoria Eugenia Antzokiko Club Aretoan dago ikusgai antzezlana

DVDonostia

Sara Cozar eta Joseba Apaolaza protagonista dituen antzezlana ikusgai izango da uztailaren 21a bitarte, Donostiako Victoria Eugenia Antzokiko Club Aretoan. 'Ergela' du izenburu Txalo Produkzioak-en lanak.

Froga psikologiko batzuetara aurkeztu da protagonista, diru pixka bat irabazteko asmoz. Bere arazo ekonomikoak konpontzeko diru erraza irabaztekotan joan da, baina tranpa eta iruzurra aurkituko ditu ordainetan. Psikologo misteriotsu batek galdera sorta tranpatia egingo dio, gure tontolapikoa urduritasunak jota utzi arte. Halabeharrez, bere onenak eman beharko ditu zoritxarreko amaierarik gerta ez dadin.

Joseba Apaolaza eta Sara Cozar dira Jordi Casanovasen komedia honen protagonista, Begoña Bilbaoren zuzendaritzapean. Txalo Produzkioak-ek ekoiztutako lanaren bi saio egiten dituzte orduaren eta egunaren arabera: ostegun eta ostiral honetan, hilak 18 eta 19, 22:00 izango da ikusgai. Gero, uztailaren 20 eta 21ean, 18:00etan. 15 euroan daude eskuragarri sarrerak.

Martin Agirrek egin du testuaren euskarazko itzulpena; musika, Audio Network-ek; eszenografia Asier Sancho Senosiain eta Escenica Integralek; bideo errealizazioa Alfredo Medina Liriorena da; kamera lanak Aitor Plazaolak egiten ditu; jantzien diseinua, Cristina Martinezek; argiztapena, Julen Zaballak; Alfredo Medina Lirio da teknikoa eta argazkiak Sergio Parrarenak dira; kartela David Sueirok osatu du; atrezzoa, Cristina Martinezek.

Temas

Euskera