100 pertsona elkartu dira Berrizen Oka ibaian zaborra jasotzeko

Ekimenean parte hartu duten bolondresak. /Irekia.eus
Ekimenean parte hartu duten bolondresak. / Irekia.eus

Ibaiaren 200 metro inguruko tartean ibili dira eta 300 kilo hondakin jaso dituzte

El Diario Vasco
EL DIARIO VASCO

Ehun pertsonak baino gehiagok parte hartu dute astelehen honetan Berrizen (Bizkaia) egin den ibaiertzaren garbiketan. Oka ibaiaren 200 metro inguruko tartean ibili dira, eta 300 kilo hondakin jaso dira, besteak beste, plastikoak, metalak eta paletak.

Eusko Jaurlaritzatik jakinarazi dutenez, ekitaldia dibulgaziozko hitzaldi batekin hasi da, ibai eta itsasora heltzen diren zaborren inguruan, eta ondoren, elkarlanean, garbiketari ekin diote. Jardunaldiaren helburuak izan dira herritarrak ibaira hurbiltzea eta bizitzea, haien osasuna zaintzearen garrantziaz jabetzea eta ibaien babes naturala den ibaiertzeko landaredia ezagutzea.

Ingurumen boluntariotzako jardunaldi hauek Zientzikasi elkarteak sustatzen ditu, eta kasu honetan, Berrizko Udalaren eta Uraren Euskal Agentziaren (URA) laguntza eta parte hartzea izan du, hala dibulgaziozko hitzaldia antolatuz, nola garbitzeko materiala eskainiz.

Ez da Euskal Autonomia Erkidegoan helburu horrekin antolatzen den lehen ekimena: Gipuzkoako Foru Aldundiak sustatutako Life Lema proiektuak hiru urteetan zehar 28 tona zabor biltzea lortu du. Aldundiak 2.160.000 eurorekin lagundu zuen ekimena —%60 Europar jatorrikoak— .