Patrick Larecebal margolariaren odak Euskal Herriari

Patrick Larecebal margolariaren odak Euskal Herriari
Patricklarcebal.com

Abuztuaren 28tik irailaren 7 bitarte margolari baionarraren lanak Hendaiako Mendi Zolan aretoan ikusi ahal izango dira

El Diario Vasco
EL DIARIO VASCO

Baionako diseinu eskolan ikasi eta, ondoren, Alain Bisoire-ekin praktikak burutu eta gero topatu zen Patrick Larcebal (Baiona, 1956) artearen munduarekin. Aurkikuntza berantiarra izan daitekeen arren, akuarelaren maixua bilakatu den margolariak segituan hasi zuen bere ibilbide profesionala.

Egun, hirurogei urterekin, Larcebalek akuarela bezain beste menperatzen du olio-pintura detaile txikietarako. Jaso dituen sari ezberdinek ('Le Brouillarta des Artistes Basques' ekimenean saritua izan zen, estaerako) bere maisutasuna berresten dute. Bere lanetan filtratzen diren kontraargi trebeak dira azpimarragarrien, argi-koro fin eta belusatuen bitartez euskal mendiak laztantzen dituzten argizpiak gogora ekarriz.

Pastel koloreek euskal landa-bizitzaren ohiko irudiak jazten dituzte margoetan, txapela buruan tinko daramaten herritar anitzak aurkeztuz. Animalia edota urdaiazpiko azoketan diharduten tratanteak ere aurkezten dizkigu margolari baionarrak, nekazari, abeltzain eta pertsonai bereizgarri eta guzti.

Ametsetako irudiengan pentsarazten duten kolore leunek margoen argi-koro tankerako konposizioa nabarmentzen dute. «Patrickek aurkezten duen herrialdea desagertzear da, gure begien aurrean» zioen Yves Ugaldek, Baionako Kultura zinegotziak, margolariaren webgunean.

Abuztuaren 28an aurkezpen ekitaldia egingo dute Larcebal berarekin, 19:00etan. Erakusketa irailaren 7a bitarte ikusi ahal izango da Hendaiako Mendi Zolan aretoan (119 Place du Port, 64.700, Hendaye).