Nafarroako Bertsolari Txapelketako aurre-kanporaketak, gaur eta bihar

2017an, Luzia Goñik jarri zion txapela Julio Sotori./JOSE ANTONIO GOÑI
2017an, Luzia Goñik jarri zion txapela Julio Sotori. / JOSE ANTONIO GOÑI

Ostiral eta larunbat honetan jokatuko dira, Iruñean eta Irunberrin, sei bertsolariri final-laurdenetarako bidea emateko

Otsailaren 9tik martxoaren 23ra luzatuko da 2019ko Nafarroako Bertsolari Txapelketa. Horren aurretik, ordea, bi aurre-kanporaketa jokatuko dira, txapelketan ariko diren bertsolarien zerrenda zehazte aldera. Urtarrilaren 18an izango da lehen kanporaketa, ostiral honetan, Iruñean, Txantrea auzoko Auzotegin, eta urtarrilaren 19an bigarrena, Irunberrin, larunbatarekin. Galbahea pasata, sei bertsolarik egingo dute aurrera.

Abiatzear den Txapelketa historiako 44.ena izango da. Final-laurdenetako fasea otsailaren 9an hasiko da, eta martxoaren 23an bukatuko da txapelketa, finalarekin. .30 bertsolarik eman dute izena aurtengo edizioan, baina 24 izango dira final-laurdenetako fasean. Hori hala, lehen aldiz parte hartzen duten sei bertsolariek eta azken txapelketako azken sei sailkatuek aurre-kanporaketak jokatuko dituzte, eta horietatik sei pasako dira otsailean hasiko den fasera.

Iruñea eta Irunberriko saioetan hamabi bertsolari ariko dira kantuan, sei parte hartzaile berriak (Aitor Irastortza, Ander Baiano, Idoia Granizo, Endika Legarra, Mintxo Astiz eta Xabat Illarregi), eta 2017ko txapelketako azken sailkatuak (Saats Karasatorre, Egoitz Gorosterrazu, Oskar Sanz de Acedo, Sahats Aleman, Joana Ziganda eta Diego Riaño -azken horrek ez zuen parte hartu 2017koan, baina bai aurretik-). Hamabi horietatik, seik aurrera egin eta otsailaren 9an abiatuko den fasean izango dira. Zehazki, saio bakoitzeko irabazleak, eta sailkapenaren araberako hurrengo lauak izango dira galbahea pasako dutenak.

Temas

Euskera
 

Fotos

Vídeos