'Zergatik ixten dituzte begiak jazzeko musikariek?'

Erakusketan ikusgai dagoen argazkietako bat. /Gipuzkoako Argazkilari Elkartea
Erakusketan ikusgai dagoen argazkietako bat. / Gipuzkoako Argazkilari Elkartea

Gipuzkoako Argazkilari Elkartean ikusgai dagoen Jose Luis Garcia de Madinabeitiaren erakusketa uztailaren 30ean amaituko da

El Diario Vasco
EL DIARIO VASCO

Uztailaren 12tik Donostiako San Juan kaleko 27an dagoen Gipuzkoako Argazkilari Elkarteak Jose Luis Garcia de Madinabeitia-ren 'Zergatik ixten dituzte begiak jazzeko musikariek?' izeneko argazki bilduma erakusgai izan du 'Alberto Fernandez Ibarburu' aretoan, Donostiako Jazzaldia —Espainiako zaharrena eta Europan egiten direnen artean beteranoenetakoa— ospakizunarekin bat eginez. Era berean, musika jaialdiarekin batera amaituko da erakusketa, uztailaren 30ean.

Egileak honako gonbidapen hau luzatu die hiritarrei: «Jazza oinekin entzuteko musika dela diote eta, seguruenik, egia da. Begi argazkilariarentzat bereziki erakargarria egiten duen batek-daki-zer bat baduela argi daukat. Agian horrek zerikusirik Geoff Dyer-ek dioenarekin: begiak belarriarentzat entzunezina dena aditzen du. Horrela, nire kamerak Donostiako udararekin hain lotua dagoen musika honekiko sentitzen duen erakarpena azal nezake... nire kamerak entzun eta agintzen du, baita dantza egin ere. Nik begiak itxi eta jarraitu besterik ez dut egiten.

Alexis Díaz-Pimientak esaten zuen moduan, zergatik ixten dituzte begiak jazz musikariek jotzen duten bitartean betazalak goian mantenzen badituzte ere? Jazz musikariak ez dira gainontzeko gizakien espezie berdinekoak. Itzalak besterik ez dira, familia edo izenik gabeko kolorezko siluetak.

Jazz musikarien erretratuek osaturiko bilduma aurkezten dizuet, 2018an Jazzaldiko oholtza ezberdinen inguruan paseoan nenbilen bitartean jasoak denak.»

Elkartearen ordutegia arratsaldeko 17etatik gaueko 21ak arte eta, larunbatetan, 17etatik 20ak arte.