Zeid Fest, «galdutako denbora berreskuratzeko» jaialdia

Covid-19aren pandemia zela-eta bizitako osasun egoeragatik 2020ko martxotik maiatzera itxialdia eta konfinamendua izan ziren euskal gizarte osoaren egunerokoa. Giro horretan sortu zuen Zetak taldeak 'Zeinen ederra izango den' abestia eta kantuko letrak duen filosofia berarekin sortu da Zeid Fest jaialdia 2022ko apirilaren 2rako Barakoldoko BEC-en.

Antolatzaileek nabarmendu dutenez, abestiak «euskal gizarte osoarekin konektatu zuen, musikaren esparrutik harago hedatuz eta mugimendu itxaropentsu bihurtuz». Ildo horretan, gizarte osoarentzako jaialdi honek, momentu baikor eta zoriontsuak inspiratu nahi ditu eta baita baloreak sustatu ere, hala nola kolektibitatea, osotasuna, pasioa, baikortasuna, dibertimendua eta aniztasuna.

Oholtzara talde mordoa igoko dira «galdutako denbora berreskuratu» ahal izateko eta «musika baliatu gure jendearekin elkartzeko». Lehen mailako hainbat taldek osatzen dute eskaintza musikal zabaleko kartela, besteak beste: Zetak, Gatibu, Iseo & Dodosound, Zoo, ETS, Sua, Adrianna Gaultier, Los Chikos del Maíz edo Maria Arnal & Marcel Bagés.

Asmoa BEC «guztiok esperientzia bakar eta bereziaz» gozatzeko tokian bihurtzea dela azpimarratu dute antolatzaileek. Sarrerak jada salgai daude Wegow plataformaren bitartez eta www.zeidfest.eus webgunearen bidez. Apirilaren 2rako jaialdirako aurretiazko sarrerak 28 euroan eskuratu ahalko dira eta, denak saltzen ez badira, unean bertan 35 euroan.

Temas

• Música
• Zabalik
• Euskal musika