Gazteentzako mikrokontakizun lehiaketa, abian

'Desioa' ardatz eta gai izanda, eta lanek 'desira(tu)' hitza erabiltzeko baldintza izanda, 14tik 21 urte bitarteko gazteek LUMAFest! Jaialdiko mikrokontakizun lehiaketan parte har dezakete martxoaren 19a arte. Aurtengo berrikuntza gisa, eta parte-hartzaileen arteko parte-hartzea bidezkoagoa izan dadin, bi adin-tarte bereizi ezarri dira: lehenengoa, 14-17 urte bitartekoa, eta, bigarrena, 18-21 urte bitartekoa.

Lau sariak, kategoria bakoitzeko bi, 180 euroko bonoak izango dira, liburuetan gastatzeko, eta antolatzaileek adierazitako Gipuzkoako liburu-dendetako batean trukatu ahal izango dira, fisikoki edo online.

Mikrokontakizunen aurkezpenari dagokionez, bi bide daude: RRSS bidez eta posta elektronikoz. Posta elektroniko hau gaitu da: info@lumafestibala.com. Bestalde, Instagrameko argitalpen baten bidez bidal daitezke #lumafestibalamikros traola erabiliz eta @lumafestibala aipatuz; bai eta X sare sozialaren argitalpen baten bidez, traola bera erabiliz eta @lumafestibala aipatuz. Traola sartuta eta @lumafestibala aipatuta

Parte-hartzaileek nahi beste mikrokontakizun aurkeztu ahal izango dituzte, baina sari bakarra eskuratu ahal izango dute. Gainera, lanek argitaragabeak izan beharko dute, ezin izango dituzte 240 karaktere (tarteak barne) baino gehiago izan eta euskaraz zein gaztelaniaz idatzita egon ahal izango dira. Noski, ez da onartuko eduki iraingarririk duen testurik.

Ekimena, gazte literaturaren eta gazte sorkuntzaren jaialdia, laugarrena izango da eta oraingo honetan ere mikrokontakizunen lehiaketa izango da