Amek idazten dute, eta Katixa Agirrek ere bai

Eneritz Basurko (Ondarroako alkateordea), Katixa Agirre eta Xabier Mendiguren editorea. /
Eneritz Basurko (Ondarroako alkateordea), Katixa Agirre eta Xabier Mendiguren editorea.

Amatasuna eta idazketa dira 'Amek ez dute' nobelako bi gai handiak

FELIX IBARGUTXI

'Amek ez dute' nobela plazaratu du Katixa Agirrek (Gasteiz, 1981). Batetik, krimen baten kontaketa dago, literatura beltzaren estilokoa: ama gazte batek (Jade/Alice) bere ume bikiak hil ditu, bere eskuz baineran itota. Bestetik, nobelaren narratzailea dago, bere haurraz erditzerakoan bat-batean ohartu dena ezagutzen duela ama hiltzaile hori, aspaldian haren berri izan ez badu ere. Jade/Alicerekin eta haren ekintzarekin obsesionatuta, gehiago jakitea erabakiko du, hartaz ikertzea eta horri guztiari buruzko eleberri bat idaztea.

Nobela idaztea erabaki duen emakume hori ama izan berri da, eta bere kontakizun horretan amatasunari buruzko gogoetak tartekatuko ditu. «Fikzioa eta errealitatea nahastu egin dira oraingoan –adierazi du Katixa Agirrek liburuaren aurkezpenean–. Nobela honi, beka bati esker ekin nion, 2016ko Zubikarai saria. Idazketa nahiko luzatu da, idazten ari nintzela bigarren umea izan bainuen».

Zubikarai saria eman zitzaionean Agirreri, eleberri-proiektuaren izenburua 'Amek ez dute idazten' zen. Behin-betikoa, berriz, 'Amek ez dute'. «Nik hartu nuen aldatzeko erabakia. 'Amez ez dute idazten' esamoldea idatzita dago lehendik ere, eta iruditu zait hobe dela zabalik uztea. Hartara, 'Amek ez dute hiltzen' iradokitzen da baita ere».

Agirrek ez luke nahi obra hau autofikziotzat har dezaten. «Nobelako abiapuntua ni naiz, baina gero protagonistak –emakume narratzaileak– bere bidea egiten du. Hortxe dago fikzioaren indarra».

Katixa Agirre Miguélez Gasteizen jaio zen Gasteizen eta Bilbon bizi da gaur egun. Ikus-entzunezkoetan doktorea da eta EHUko irakaslea. Gaur arte bi ipuin-bilduma kaleratu ditu: 'Sua falta zaigu' (2007) eta 'Habitat' (2009), eta eleberri bat: 'Atertu arte itxaron' (2015). Bere liburuek hainbat sari eta itzulpen izan dituzte.

Temas

Euskera

Contenido Patrocinado

Fotos

Vídeos